كلمات اغنية كيف حالك فرقة أبناء المزاريع الحربية
كلمات : الشاعر صقـر المزروعي
الحان : احمد سالم المزروعي
يالغـلا كيف حالك
دونك الليل حالك
وانت عايش لـ حالك
ما تحـس بحـنين
ما عرفت اش بدالك
كيف ادور بدالك
نبض قلبي بدا لك
في ظلوعي سجين
بين وردك و هالك
مغرم الشوق هالك
مهجته كلـ ـهـالك
يالعـويد اللـدين
لا تحط احتمـالك
والمـود احتما لك
لو يزيد احتمـالك
ما نزل طرف عين
نور وجهك وشالك
شلت قلبي وشالك
لو عـذولن وشالك
خابـوا العـاذلين
مالي غيرك ولا لك
وانا كلـي ولا لك
في سرابك ولالك
تهت بين السنين