يصير احبك من جديد – حمد البريدي

قصيدة يصير احبك من جديد للشاعر حمد البريدي قصائد مكتوبة

يصير احبك من جديد
حمد البريدي

يصير احبك من جديد
من غير حب قد مضى

ودي معاك ارجع واعيد
كل الزعل كل الرضى

احبك وهل من مزيد
للحين شوقي ما قضى

قربك هنا .. حبك قصيد
عطرك نم .. جمرك غضى

عينك سهم .. صمتك جليد
ضحكك نغم .. جرحك لضى

تحت امرك وقل وش تريد
الارض لك لين الفضى

خذني معك لابعد بعيد
خل العواذل في شضى

وجهك هو الحظ السعيد
وانا السعيد اللي حضى