انا لامنها تساوت في عيوني الامور – محمد علوش
انا لامنها تساوت في عيوني الامور
ماعاد تفرق معي غدت سوى كلها
واللي علي ماتمر ، اسمح لها بالمرور
لو اني افطّن لها ماكنّي افطن لها
لاضاق منها صدر ولا تحرك اشعور
لو يجتمع دقها كله .. مع جلّها
مراحل العمر تمضي كلها في عبور
ماعاش احدٍ قبل ولا بعد حلها
تزين ولا تشين ، افيّاض ولا دهوّر
مقسّمه وانت لامن خذتها خلها
انهض حجاجك لمّن يعلم مافي الصدور
واوجد لكل الخلايق سبّل وتدلها
ولاتضايق ولو صدرك يفوح ويفور
ما الله خلق ” مشكله ” الا خلق حلها
