ان غابت الشمس اختفى ظلي – فهد بن شويمي قصائد مكتوبة كاملة
ان غابت الشمس اختفى ظلي
وان عاودت عادت عليه الروح
انا .. انا .. فـ ترحالي .. وحلي
نفس التامل ، والأدب ، والبوح
يا كثري من اول .. ويااا قلي
ماعادت أيامي طرب ومزوح
ماني بـ / لا ماخذ . ولا مخلي
شكرًا .. وسكر بابك المفتوح
اللي ” يرد الروح ” يا خلي
ما عاد احس انه يرد الروح
ماجيت لك .. بعضي ولا كلي
حتى لو ان قلبك سفينة نوح !
وقفتني .. بين اسكت ، وقلي
لين اختنقت بصوتك المبحوح
بعض المعاتب !؟ خله يولي
دام انه يزيد الجروح ، جروح
أرخص عباد الله .. هو اللي
يجي وياخذ حاجته / ويروح !
