حقوق الانسان – حمد البريدي قصائد مكتوبة كاملة
حقوق الانسان في دنياه حريته!
روتين الايام يقتل .. كل لذة زمان
غديت احب السفر واحب ماريته!
من تقطع التذكره حتى حزام الامان
احيانا البعد .. يحيي اللانفس الميته!
من شرهة العاذل اللي كل ما غبت بان
الناس .. ما خلت السالي على نيته!
فلان فيه وعليه .. وعلته من فلان
وش دخل الناس في قلبي .. وجاهيته!
الله يقطع وجيه اهل الحكي والهوان
عزيت نفسي عن الجاهل ونفسيته!
ونصيحة العمر .. توخذ من فصيح اللسان
لا عاد تنصى سوى اللي تفرح بجيته!
لا جيته بخاطر ضايق .. تغير وزان
الشخص لا من فقد ذاته وعفويته!
يغير الحاجتين .. الناس ولا المكان
