رفيقي ترا ماني رياضي – سلمان بن خالد قصائد مكتوبة كاملة
رفيقي ترا ماني رياضي وعالم ذر
فلا تشعل السيقاره ولا تطفيها
لو اني صحيح احب نفسي واحب الكـر
ما كنت اعطي المحروم حاجه وانا ابيها
ولو الناس ممكنها التغيير بضغطة زر
ي كم نفس نقفت ودي اني التقي فيها
لك الحمد ي ربي على الماطره والحر
كثر ما الحياه تحب خشمي واخليها
تباها الزمان المر و شفنا الزمان المر
يدور على النفس العزيزه ويبغيها
وفي الشعر يا بعض الاسامي كزوجة سر
لو انك تدقق شفتها من اساميها
تغني على ليلاك واغني لو انه مر
برغم اني ابشع صوت لازلت اغنيها
الا ي وجودي وجد عودً ما عين بر
ولا شاله الا ناس اول يعاديها
ولا ي بري حالي على المبعدين وطر
كبدي على الاشياء القديمه واهاليها
معي دفتر ً به لي احبك وخمس صور
اذا منت راجع لو تفضلت هاكيها
لنا الله ي ضحكة حزيران ذاك الشهر
هي الضحكه اللي منك ماني بناسيها
