قصيدة خلوني اسلى حمد البريدي قصائد مكتوبة كاملة
خلوني اسلى واهوجس لو يطول الملام!
اكتب سطر والليالي السود تمسح سطر
الى بغيت اتعايش .. مع جميع الانام!
عرفت بأن الصراحه عايشه في خطر
واللي نطر حلمه الفايت قبل نصف عام!
متفائل بجية احلامه ما دامه نطر
انا من اللي كلامه .. يختبي فالكلام!
تحسبه يضحك فرح لو كبده بتنفطر
الين مر يتهادى .. راحتينه هيام!
اللين في وجنتيه وفي عيونه سطر
لبيه لا بان لي وجهه .. عليه السلام!
يضحك على الغيم وعيونه تحول مطر
جماله اليوسفي بالوصف مسك الختام!
كن السوالف بخور وكن صوته عطر
قالو القمر فالسما واقول مخطين دام!
عاش وربي عند ابيه ومنزله في قطر
