قصيدة مشاعر الاوادم حمد البريدي قصائد مكتوبة
مشاعر الاوادم في النهايه مشاعر طين!
تخيل .. شلون الطين يفهم معانيي
تجردت .. من كل التقاليد والتخمين
ولا ارضى سوى عزة هواي ومعاليي
اكن الجروح اللي تعايش معاي سنين!
الى مرت اسراب المحبه .. محانيي
يامدري شسمي غيبتك .. قبل ولا الحين!
شعوري معك حاضر ولو كنت ماضيي
كثيري عليك من الغلا يا رهيف ايدين!
اشوفه ولو قدمت لك روحي .. شويي
يكفيني انك عنوتي فالزمان الشين!
ملاذي الى طالت بعيني مساريي
وهذي الحياه تشين يوم ويوم تزين!
ولا كل شي خاطرك فيه مهيي
مهو يرد نفسك من هواها سوى ثنتين!
الى صار قلبك يبغي .. وعقلك يعيي
