من عادتي مادست درب الهوى دس محمد النوه المنهالي
من عادتي مادست درب الهوى دس
العب ع المكشوف واكشف سواده
من مدلي يمناه مديتله خمس
ومن صد عني عفت شيفت بلاده
لني عزيز وعزتي تحكم انفس
والنفس ماترضا بهون المقاده
خلاص انا ياصاحبي دارسك درس
طبعك ترا ف الود تبغي السياده
ان كان عمرك ف الهوا منخلق امس
فيه الهوا مخلوق قبل الولاده
لاتحسب اني بخضع الراس ونفس
ع الطرف اللي يريحك حط الوساده
هاذا مجالي وكل واحد وله رس
وشط البحر قابل لنقص وزياده
من عادتي مادست درب الهوا دس
العب ع المكشوف واكشف سواده
