ياوجود اللي عيونه – مدغم ابو شيبه
ياوجود الي عيونه شقاويه
مرها حلو المنام وتعداها
بيّته ليل الشتاء فبو حدريه
واحتداها وحد نفسه على اقصاها
مشكلت بعد الصدور الجنوبيه
لو تجيها دمعه الطير تملاها
العوامل والظروف الطبيعية
غيرت مجرى زمنها ومجراها
ياوجود الي عشق له فلانيه
في صلِات الرحم مأهوب وياها
من تحبه لو تحبه على النيه
بركت في أقصى ضلوعه مطاياها
ذوقتني هجرها ثاني اضحيه
واصطلت روحي على حر فرقاها
طيرت من غصن الأشواق قمريه
وارهنتني في هواها ولماها
حايل من دونها حول وشويه
مير مالله حال من دون ذكراها
كل حاجه باقيه مثل ماهيه
ماسرى معها على درب مسراها
غير عضو في جهتي الشمالية
فاع من عوج الحنايا وخاواها
ودمعتن نطحتها راحت أيديه
اف يامحرها واح ماقساها
حولتها يوم قالت وداعيه
واستباحت سترها فوق ماطاها
حيلتي لاهبت النود عصريه
قمت مع كل الجهات اتحراها
وأمست الفرحة يتيمه ومنسيه
في عيون حرقت الوجود تصلاها
