القائمة اغلق

قصيدة إن جيت مبارك الحجيلان

قصيدة إن جيت للشاعر مبارك الحجيلان قصائد مكتوبة كاملة

إن جيت فأنت الحضور ولايهم من حضر
وإن غبت ساعات / قلنا لك غيابك طويل

حضورك الفارق الطاغي / شبيه المطر
لاصب في واديٍ ميت ،،، وعقبه يسيل

ووجهك ليا من تبسّم ،، مثل نور القمر
فالبر / في منتصف عشره / بليلٍ جميل

ونعاس عينك ،،، ونظرتها ،،، كأنه بحر
بالفجر ،، والموج راكد : كنْه رجلٍ ثقيل

وسوالفك غير ،،، وحروفك تشابه زهر
مع طلة الصبح ،، في بستان جوه عليل

جبرت فيني الاماني ،،، مثل جبر الكسر
وعلمتني كيف اواجه ،، كلمة المستحيل

وزينت في عيني الدنيا ،،، وزان العمر
ولاظن بلقى أحد مثلك / ومالك بديل

دورت عن شي لايق لك / لقيت الشعر
وانا ادري باللي كتبته في وصوفك قليل

مقالات مشابهة