يارب انا عبدك اللي كل مااذنب يتوب – مبارك الحجيلان
يارب انا عبدك اللي كل مااذنب يتوب
ودمعه من الضيق لامنّه دعا ينفجر
يلوذ بك عن غثا الدنيا بصدرٍ رحوب
ويدعي بقلبٍ يخافك ماهو قلبٍ حجر
طالبْك تبقى حياتي مثل نسمة هبوب
اهدى من الليل وابعدني حياة الضجر
يارب محدٍ سواك اللي يعرف القلوب
عبدك ليا مد حاجه مطمعه بالاجر
ماعاد له غير وجهك لاطوته الذنوب
والا البشر واحدٍ يقبل والآخر هجر
إرزقني الدعوه اللي تختصرلي دروب
دعوه من اللي بكت عينه صلاة الفجر
