الرئيسية / الشعر الشعبي / قصيدة القسمة – علي المنصوري

قصيدة القسمة – علي المنصوري

قصيدة القسمة للشاعر علي المنصوري قصائد مكتوبة قصيدة جديدة للشاعر علي المنصوري

قصيدة القسمة
علي المنصوري

هيه بكيفكم تردون تنطوهه
سالفة المهر لا تبدي سدوهه

ماكبرت بلاش الكل نخل فلاح
عكب مارطبت تردون تحروهه

لتعبون حتى من تزوجوهه
الحمامه الزاجل ترد لون هدوهه

سالو اخواتهه لو منها رادن شي
اذا مو بيه تحلف مايصدكوهه

انكشف مفتاحهه يعرفونهه من تضوج
الرادو تبتسم بيه يذكرهه

نكرت كبالهم لكن درو جذاب
من سلمو عليه بعيوني شافوهه

اهلها خباض وكفو حرس يم العين
خافن بيه تحلم مايخلوهه

جا انت ابوهه اسالهه كلهه شبيج
اعرف رايهه من تحجي سمعوهه

كالولك نريد بنيتك ورضيت
حسباله الرجل لو كال كبعوهه

ابجي وياي للمثلي البجي معذور
اني الحبله بنت بس غيري اخذوهه

وصل بيهه الترف تروي عبالك ماي
اذا رادو سكي للكاع يجفوهه

وصلت غيرتي وياهه تعرف وين
اغطي خيالهه خايف يشوفوهه

عرفت ماراضيه وزعلانه وتحبني
من طاح الدمع من كام يرسمني

ماتبجي عليها الناس تسالني
جا هذا شنو المبلل بردني

انه لو ما الفراك الماخذج مني
فنه الشيب هذا كدر يوصلني

امي تلم صورها وتجي تكابلني
لان تدري الصور تكدر تطيبني

المسير علي مايفتهم مني
لان يم بيتهه الصفنات تاخذني

شدو عيونها ووكفوني بين رجال
وسالوها علي تكدر تميزني

اني ادري الاحبها معدله وام بيت
اذا ما تشوفني تشمني

هلي ضمو صورها ضنهم ارتاحيت
الصور توجعني بس الذكرى تلجمني

مشت ومن العصر كمت استعد للنوم
منو اليستاهل اسهر من مشت عني

افرض لو متت تتوقع يخلصون
انا مثل البذور اطلع من تطمني

شاهد أيضاً

الاحبك مالتك قل مستواها – يحيى العلاق

قصيدة الاحبك مالتك قل مستواها للشاعر يحيى العلاق, قصائد مكتوبة يحيى العلاق الاحبك مالتك قل …