اضحك فديت الضحكة المغرورة – سعيد بن مانع قصائد مكتوبة كاملة
إضحك فديت الضحكة المغرورة
سولف ياجعله ما يسولف غيرك
واجبر بها الخواطر المكسورة
اللي ما يجبرها سوى تجبيرك
نوّرت عمري و اهتنى في نوره
الله ينوّر لك على تنويرك
خيرك على قلبي تجلّى دوره
أسعدتني والله يكثّر خيرك
كل الدّروب بخطوتك ممطوره
وكأن الورود تعرف خطة سيرك
مسرور وأيامي معك مسروره
كأن الفرح يمشي على تدبيرك
أحب أنا غلطاتك المعذورة
واللي يحببني بها ؟ تبريرك
مشاعري على الرضا مجبورة
تستلطفك في صمتك و تعبيرك
