تبي نخفف لقى – سعيد بن مانع قصائد مكتوبة كاملة
قلت لي يعني تبي نخفف لقى .. وشيهم الكون
عاشقك يعشق على وضح النقى
ويتباها فيك وتزيده شرف
مادريت اليوم قلبك وش هقى
بس قله لا يتوه وينجرف
دامني باقي ولله البقا
كلهم ماداسو لقلبك طرف
احتفظ بالي يحبك من شقى
وش تبي بالي يحبونك ترف
من يحبك يرتقي بك لا رقى
غير هاذا الحب والله ماعرف
صدق عشاق ومواقيف اصدقى
وتتضحلك وسط دمعي لا ذرف
ماعترف بالحب من اول لقى
لين خلتني عيونك اعترف
