قصيدة على الله ماتخيب الرجاوي للشاعر مبارك الحجيلان, قصائد مكتوبة
نصيحتي : خلك على شي ملموس
وإصدق ولو تجلس لحالك / خلاوي
وترى التجارب تعطي دروس ودروس
ولايصقل الرجال ،،، غير البلاوي
بتمر بك نكبه / واعاصير / وشموس
وتوصل مراحل منت قادر وقاوي
لاتستضيق إن دنيتك حاستك حوس
صبرك !! ولو تكبر عليك الدعاوي
بكره تبي تقدر على كل هاجوس
وبتشرب اللي يجيك / شرب القهاوي
وأهل النميمه والحكي دوسهم دوس
بالصمت / وإرقا مثل نجمٍ سماوي
لاتقول وشفيني ،،، ولاتقول منحوس
قل يالله بدربٍ من الخير ضاوي
وإن خاب ظنك والرجا / سبة نفوس
إعرف على الله ماتخيب الرجاوي
