قصيدة القمه انا للشاعر ناصر الوبير قصائد مكتوبة
شوفتك في ليلة الأمس أفتحت
ذكريات ً كنت قافلها هنا
أه يافرحه من أحزاني صحت
فرحت المحروم لا جاله ضنى
يبتسم لك وجه وعيون اسرحت
في جمالك لين ما ضاع العنى
ادري اني من سبايبك انجرحت
بس احبك وش اسوي ب أنـا
عشت شامخ بالسماء ماني تحت
الا غصن الشوق لجلك انثنى
دنيتك ماهي لهم مهما دمحت
انت لي .. وكلنا الله لنا
لا تقارني بغيري لو سمحت
وشتبي بالقاع والقمه انا
