قصيدة المناصب زايله مبارك الحجيلان قصائد مكتوبة كاملة
أنشهد إن المناصب زايله ماتدوم
الدايم الواحد اللي بالخفا يسمعك
إما كسبت النعم اللي بتبقى وسوم
والا خذيت الردى اللي بيبقى معك
ياحي وجهٍ مع العالم بشوشٍ خدوم
إليا نصح ينفعك وإليا وقف ينفعك
ملقاه طيّب ومتواضع شجاع وجزوم
تجيه فاقد أمل ،،، تلقى الأمل يتبعك
ويقطعك ياللي تحسب المرجله بالختوم
الختم لااقفيت عن منصبْك مايرفعك
الناس لاجوك محتاسين وقت اللزوم
لاتزم نفسك تظن الخلق رهن اصبعك
شفنا كثيرين شفنا إرجال شفنا رخوم
الفعل يصنع إسم / والكذب مايصنعك
أجمل ماشفته بعضهم بالاوادم رحوم
وأغرب ماشفته بعضهم لو بيده يمنعك
ياكثر الأحداث والاسماء على العموم
ماغير سمعتّك لادار الزمن / تنفعك
