قصيدة بعد لا تگول احبك مأمون النطاح

قصيدة بعد لا تگول احبك للشاعر مأمون النطاح قصائد مكتوبة

بعد لا تكول أحبك ما اصدگ بيك
بانت بيه نيتك ثاري تتسله

ألف يا حيف ضايع وكتي وياك
ما ريد العنب بس رجع السله

طّلّعت فنجان حاير بين الأفواه
تّعّبت ابمزاجك هيبة الدّله

طلع صيتك چذب لا ابن ديوان
ولا شارب فرات وراوي من دجله

قبل تتمنى تاخذ صورة وياي
هسه الگلب بيدك وانته اتذله

رسمتك نغم بحروف ال يغنون
واردد اسمك ومگدر أنا أمله

يا بن بغداد مو هيج ال يحبون
راح أهجر غرامك واسكن الحله

تبيع اللي يحبك ليش وبساع ؟
تساوم عالكرم والدين وال مله

اذا دربك عوج أتركني أرجوك
طبع بيك الغدر وشلون أنا اعدله

على راسي حملتك من جنت وياي
لكن راح ادوسك لمى تتخله

اللي جاك مني كله كان احماء
وبعد لعب الصدگ إشلون حتحمله