قصيدة تجربة غيرك للشاعر حمد البريدي قصائد مكتوبة
من تجربة غيرك تعلم وانا اخيك
وتجاربك لا بدّ تاتي على العوق
‘
الى خطا صاحبك كبر هقاويك
اطرد هواك وكل مطرود ملحوق
‘
اتعب على السمعه ليا مر طاريك
يقال : عز الله من الهقوه وفوق
‘
فعلك وحكيك واحترامك مباديك
ترفع مقامك عند خالق ومخلوق
‘
من صان وجهه للعرب والمداريك
مرفوق ما يقرب من العيب مرفوق
‘
ومن حط روحه بيز .. عند الصعاليك
بكره بيرمونه وهو ؛ كرت محروق
