قصيدة خلك جبل – مبارك الحجيلان, قصائد مكتوبة

قصيدة خلك جبل للشاعر مبارك الحجيلان, قصائد مكتوبة mubarak hujailan

قصيدة خلك جبل
مبارك الحجيلان

خلك جبل ،،،،، وإترك وكالة يقولون
واصل / وصدقان الحسد خلهم عنْك

وأمرك طبيعي لو ملت قلبك طعون
من كثر حسادك ومن طيب معدنْك

شخصٍ مشكك في فعايلك / مجنون
ليته ليا ضاق الأمر فيه / يزبنْك

لأجل يعرف فرق الرجاجيل وشلون
وعشان ايحرم مايجي يوم يطعنْك

وماهو قهر ,, ناسٍ بعيدين يحكون
ترى القهر لاصارو اللي حكو منْك

شرواك لانجّم ،،،، ابه ناس يقفون
وكم هافيٍ عند الاودام / يشينْك

وشرواك ندريبه من اللي يقومون
ولامن نصاك اللي تضايق يعينْك

نجمك ظهر وارتبكت قلوب وعيون
ولازينك تطبيل / فعلك مزينْك

ولو هم يعادونك / ولو هم يسوون
يبطون رديان الفعل ماتطمنْك

نرخص لك الدنيا ولاتبات محزون
ولاعاش من فكر بيومٍ / يحزنْك

تبقى جبل شامخ ومهما يقولون
وتبقى قلوب الناس بيتك وموطنْك