قصيدة سيّدة ابريل شريان الديحاني

قصيدة سيّدة ابريل للشاعر شريان الديحاني قصائد مكتوبة كاملة

ياسيّدة إبريل.. واللي ورا ابريل
إنتي حقيقيّه.. لو ابريل يكذب! ͏
͏ ͏
لو كذّبو شهرك هل القال.. والقيل
ماصدّق الكذبه.. ولا تحمّل الذنب ͏
͏ ͏
من ليلة البارح وانا احط وآشيل
وتهب ضحكاتك على البال ويهب ͏

شعرٍ تبجّله الشواعير.. تبجيل
من زود ماصِدقه على القلب ينصب ͏

كل يوم اكتب لك واجمّع مراسيل
احساس قلبي مايكفّيه هالحب! ͏

تكبر “احبّك”.. كل مامرّك أبريل
تكبر سنه، وانا اكبر سنين، واكتب.. ͏
͏ ͏
كل عام وإنتِ سيّدة كل هالجيل
يـ اجمل وجه شفته من الشرق ل الغرب ͏
͏ ͏
مدّي يدينك لـ السما.. واخذي الليل
انتي قمر نازل يدوّر على حب ͏

فرقتي عن جيلك ب ادقّ التفاصيل
كل عام وانتي دايماً خارج السرب ͏
͏ ͏
خلي مشاويري معك دون تحصيل
كل مايطول الدرب بنطوّل الدرب ͏
͏ ͏
كل ما اشوف ثنين حبّو بـ تمثيل
وانا ادعي الله فيك.. وآقول يارب ͏

يارب احبك حب مايقدره ويل
ياللي معاك ارتاح واحب وانحب ͏

موّتْ قلبي من كثر مَـ اعشقك حيل!
خلصت حُب قلبي، انا احتاج لي قلب. ͏