قصيدة شكولي الناس مأمون النطاح قصائد مكتوبة كاملة
شكولي الناس عن وضعك هالايام
خانوا بيك كالولي التحبهم
نصحتك يا صديقي الهوى احلام
زعلت وجذبتني وصدگتهم
مو ريشه البشر بيدين رسام
ولا تضمن يوافوك التودهم
صفت تالي قصصنا أوراق وأقلام
كلمات ونسونا احنا بكتبهم
اسف باعوك وانته إظنهم حزام
طحت عطشان وإنته بنص نهرهم
لكن يا صديقي اشلون تنضام
واشوفنك ذبلت انته بسببهم
حرام انساهم انته أحسبهم اوهام
وسلمهم بعد بيدين ربهم
ويالله انهض بعد بالعمر أعوام
والف مبروك للصدگ كذبهم
الف هنياله من صدگ كذبهم
