قصيدة عقول بعض البشر مبارك الحجيلان

قصيدة عقول بعض البشر للشاعر مبارك الحجيلان قصائد مكتوبة كاملة عقول بعض البشر

ماعدت أنا ذاك واحاتي لموقف صغير
وماقمت أثقّل على نفسي / بتفكيرها

هو ليه أفكر بهالعالم / وأحث المسير
وعقول بعض البشر ياصعب تفسيرها

نصدق ونطلع خطا نطلع خطا بالأخير
ويعاتبونك على نفسك ،،، وتقصيرها

لو تعطي الراي قالو فيك : هذا يغير
تعطي نصيحه ،، يحدونك لتغييرها

ولو تفرش الأرض ولخاطر بعضهم : حرير
بيقول هالارض مابيها ،،، أبي غيرها !!!

إمن اول استغرب لحاجات وابحث كثير
واضيق من سالفه / واحط تبريرها

واليوم قانع من اللي صار ،،، واللي يصير
ماني وليّ الاوادم ،،، في تدابيرها

اوجيه تحمل وفا ،،،، تبشر بودٍ كبير
ووجيه متلونه / تبشر بتحقيرها