قصيدة هذا الزمن للشاعر مبارك الحجيلان قصائد مكتوبة كاملة
ماهو زمنكم واقبلوها نصيحه
هذا الزمن ماهو زمان الوفيين
هذا زمان اهل الوجيه القبيحه
إما هل التطبيل والا بو وجهين
سباق : للمترديه والنطيحه
همتهم الدنيا ،،، ولاهمهم دين
عيبٍ نحط اهل المبادي الصحيحه
مع شلة اللي مايساوون فلسين
وعيبٍ نحط أهل اليدين الشحيحه
في صف واحد مع يدين الكريمين
وعيبٍ انمدّح من يدور مديحه
المدح يزهى من يفك المساجين
يالادمي ،، مافيه نفسن مريحه
ترى البشر ماهم من الهم خالين
وترى الختاميه عسى الله يبيحه
الكفن ماله جيب والقبر مترين
