قصيدة واحد يتقدم على الثاني حسين السعيدي قصائد مكتوبة كاملة
واحد يتقدم على الثاني
ومحد من عدنه يمد ايده
وما نعرف شنهي يخوفنه؟
بلكت فاعل خير يجرب
واحد على الثاني يعرفنا
كالوا متكبر؟ كلتلهم : لا حباب وخوش انسان
من ميسلم مو متكبر بس خجلان..
ومن يزعلونه يصير احلى
وكمت اتمنى يضل زعلان
وجي بعيونه لو فات يسلم يوميه!
كمت انغث من يغطيهن بالنظارات الشمسيه
وصحباني انصدمو بافعالي
صاير ما اهتم بالماضي
ولا ينزل دمعي على اغنيه
سألوني شبيك؟
وكلتلهم : احلى احساس المايتوصف
ماريد اعرف شنهي البيه
مايدرونه شكد محبوب
وشفاف وصاحب شخصيه
شفته وجني بنص الجنه
وكمت هواي اشياء اتمنى
اتمنى يطخ جتفي بجتفه
وتوكع كل اوراقه من ايده
ونلمهن واتاسف منه
يفوت .. ويوكع كلشي من ايدي
ميحس المصدوم بروحه
ولا يدري من البيده يطيح
حس بيه وحسيت بقلبه
وعدت مرحلة التلميح
نظراته يدزهن لعيوني
وعطره يدزه بايد الريح
