قصيدة ياكثر ماقلت هانت مبارك الحجيلان قصائد مكتوبة كاملة
ياكثر ماقلت هانت ،، والفرح بكره
الكذب بعضه مع انه كذب يحييني
أصبّر القلب وادري الضيق محتكره
وأسلي النفس لو محدٍ ،،، يسليني
والحزن لو هو بكيفي مايجي ذكره
ويلي على فرحةٍ ،،، تِحزن عدويني
حسبته أيام هالمشوار ،،، مفتكره
ماكنت أظنّه بياخذ / أجمل سنيني
عساني مكره طموحاتي / ولا أكره :
حظي / عساه الفرج بكره يناديني
رماني الوقت وسط أمواجه العكره
وأحس جرحي تربى في شراييني
محتاج للي يعجّز القلب عن شكره
والله ماني بحاجة شخص ،،، يرثيني
