قلبي لمح زولك وفز وتهيا – مذكر الحارثي قصائد مكتوبة كاملة
قلبي لمح زولك وفز وتهيا
والتاع وتهيّض وانا خابره تاب
واردف تراحيبك لعينك وحيا
كنه ملاقي شيخ معروف الانساب
عهدي به من الشوق والحب عيا
واثرك شعفته عقب ما خاطره طاب
ما شاف منك الا القسا والجفيا
والحزن لضلوعه من اقفيت حطاب
تلهى وحبك في عروقي هنيا
يرتع مع دم الحنايا وينساب
وطيوف عينك عاد فيها حميا
تزورني لا صرت ضايق ومرتاب
ليتك معاها لو تسير عليا
على الخيام اللي لها قدرك اطناب
عمودها منصوب لكن بليا
شوق ومواعيد ومواليف واحباب
ما هدها قول العذل والقفيا
رغم البعاد اللي بلا داع واسباب
واليا لمحتك فز قلبي وحيا
ما كن في قلبي من الصدة عتاب
تقول به نظرات عينك كذيا
لا سلهمت يقضي لياليه منصاب
حسبي على نظرات سمح المحيا
هذي سهام الموت يا ويش الاهداب
من تحتها الخد المورد تفيا
فوق الشفايا اللي بها الثلج ما ذاب
والعنق عنق غزيل ما تريا
عقب التلفت راح ذاير ومرتاب
