لابد عقب التعب فرحه عظيمه مبارك الحجيلان قصائد مكتوبة كاملة
رفيقي لاتنفعل ،، وابشر بنوماس
حرصك عليّ طيب من نفسٍ كريمه
ولاتخاف أنا بجتهد وابهزم الياس
ويبقى سلاحي ،، نواياي السليمه
ودام امنياتي وراها ،، قوة الباس
لابد عقب التعب ،، فرحه عظيمه
بي عزم ماله حدود ،، وماله قياس
وفي صدر الايام لي قدر وحشيمه
الانتكاسات،، تهزم لين الراس
والانتصارات ،، من صنع الهزيمه
رفيقي ،، لايزعجك حاقد وبلاس
ماضيع المجتمع ،، غير النميمه
والناس ويا القوي / معروفه الناس
لو الضعيّف يجاهد من صميمه
بتشوف الاحباط والصده والافلاس
لاعطيت شخصٍ كسربك ربع قيمه
ولاتصير لامن نوولك ،، شلة انجاس
حساس،، طنش لو الضربه أليمه
بقول لك شي حطه / بين الاقواس
خذها من القلب ،، يامال الغنيمه
إليا احرموك الشجر / لاتكسر الفاس
علمهم إنك ،، رجل مبدأ وشيمه
ولاتثني العزم ،، لين إنك تجي راس
ولايحقق الحلم ،، ياكود العزيمه
