قصيدة سعيد بغيبتك حمد البريدي قصائد مكتوبة كاملة
احن لذكرياتي واتمشى في خيالي لين!
امر بوجهك الغايب واشوف اللهفه تنادي
يقولون الجفا عادي .. واقول ان الجفا سكين!
الى صار اللي تحبه .. هو اللي ماهو بعادي
عطيتك ,, ياهوى نفسي شعور وورده وشمسين!
الاولى شمس ربي بس ثانيها هي مرادي
يشوفون العرب نورك ونورك ينعكس من وين!
من الشمس اللي في صدري حرايقها من فؤادي
صحيت ادور لوصلك واثرني خالي الكفين!
اعاتب كل ذكرى جابتك والشوق متمادي
تنفست العذاب اللي تركني حاير بدربين!
يادرب ياصلك ولا يادرب سالكه غادي
حزين اني سعيد بغيبتك في سلوة السالين!
مع اني داري ان ما فيه غيرك يملك اسعادي
