تكفا ليامن سودت دنيتك صل – مبارك الحجيلان قصائد مكتوبة كاملة
تكفا ليامن سودت دنيتك / صل
ركعه بجوف الليل / والياس خله
داوم عليها ،،،، والتباشير تنهل
إرفع يدينك ،،،، وإدع ربك وقله
قله ،، ترى محدن رجا خالقه ظل
لأنه رحيم ،،، وبأمره الكون كله
ربك يسخّر لك من المشكله حل
لو تجتمع كل البشر ،،،، ماتحله
ولاتحزن لعينك من الدمع لاهل
الدمع في دعوه من القلب هله
والعالم أسبابٍ من الله تنسل
الله يسخرهم ،،،، لهمك اتشله
به ناس فزاعه لو إن ذكرهم قل
وجيههم من طيبهم ،،، مسفهله
وبه ناس زهقانه من الناس وتمل
هم يحسبون بفزعة الناس / عله
وترى الأمور تبيّن العلم ،،، وتدل
على البشر ،،، يوم الفعل بالادله
ياجعل شخصٍ عنده الأمر / ينحل
تبطي به سنينه / ولايغيب ظله
وياجعل شخصٍ يترك الناس تنذل
يمر به وقتٍ ،،،، يشوف المذله
