تصنيفات

قصيدة خفي علينا مبارك الحجيلان

قصيدة خفي علينا مبارك الحجيلان قصائد مكتوبة كاملة

خفي علينا / يالظروف الثقيلات
والحمد للمولى من اول ودايم

صحيح مرتنا ،،، ليالٍ صعيبات
لكنها مرت ،،، مرور النسايم

حتى الزمن لو جار / قلنا سهالات
من باب : بيعوض النجاح الهزايم

ياما قطعنا الدرب عزله وسجات
في ليل برده برد / والجو غايم

عشان نسترها إليا جات دمعات
حنا بشر واحساس / محنا بهايم

نسلى ونسكت رغم كل الضغوطات
ولاسلَمنا من هروج ،،،، ونمايم

ترانا بيض اقلوب / لو بالعداوات
ونحس فيهم / بالأمور العظايم

وترى عداوتنا مهي / هرج شمات
يوم الضعيّف ،،، حيلته بالشتايم

إن طحنا في خذلان عدنا الحسابات
وأهم حاجه / ماتطيح العزايم

وبختم فبيتٍ لو اتجيني ملامات
ومن عادتي ماني عن الحق صايم

الطيبين أحياء بحظوظٍ اموات
و اهل الردا نيام / والحظ قايم !!!

close