ياضايق البال ليه الضيق مبارك الحجيلان قصائد مكتوبة
ياضايق البال ليه الضيق ربك كريم
قلبك علامه يجر الياس ،،، مع ونتّه
شايل همومك وكن الهم نار وجحيم
ماباقي الا العيون الدمع ،،، مادنتّه
إرتاح ربك هو أدرابك وعطفه عظيم
ناجه بليلٍ تبوح النفس ،،،، ماكنتّه
وخلك قوي العزايم مثل حرٍ عديم
لو كان سود الليالي حربها ،،، شنتّه
وخلك اليا انقلبت الدنيا صبورٍ حليم
ترى انكسارك يفرْح اعداك / وتمنته
وخلك ليا شفت حاقد أو حسود ولئيم
لاتنشغل به ،،، ولاياخذك في حنتّه
ولحترت في راي روّح للشجاع الحشيم
وإلا ضعيف الفعل ،، منتب على منتّه
الصبر محمود ،،، واحوالك تبي تستقيم
ولكل شيٍ في هالدنيا ،،، وله سنتّه
