ياطول ليل الحزين مبارك الحجيلان قصائد مكتوبة كاملة
ياطول ليل الحزين بسبة احزانه
لاضاعت احلام // عيا لايحققها
واقسى النظر : شوفة المديون ديانه
وده رقبته من الديان يعتقها
واصعب طلب : طلبة المظلوم سجانه
ولاسَمع طلبته من قبل ينطقها
وياقوه اللي دموعه ،، ترقد اوزانه
ولايعلم بضيق نفسه كود خالقها
وياصبر شهمٍ اربوعه / نقصت شانه
واهو من اول طموحاته يسابقها
والله يهالناس / منهاره وتعبانه
من غيبة الشمس لين يحين مشرقها
أنا بصف الحزين وشعري اوطانه
عهدٍ عليّ لاقضب همومه واروقها
عهدٍ عليّ لاكتبه من نفس شفقانه
لين القصايد من احساسه يعانقها
